ليتك تشوف اللي جرى وصار فيــه×××وتشوف ماشفته وارء سود الايام
اخفي جروحي في ضميري خـــيه×××كني سجين ينتظر حكم الاعـدام
حكـم القدر لاصار غصب عليــه×××مايمنـع المكتوب تحطيم الارقــام

 
مخنوق يمه و احس الخنقه هدتــني
مكسور قلبي و عيني مدري وش فيها
و دموعي اللي غصب عن عيني بكتني
مليت أغمض جفونـي لجل اداريها

 
انا اللي عشت بالدنيا اصارع غابة الاحزان×××حزن هموم عذابي يبتسم فيهـا
تعبت بدنيتي هايم وصرت بدنيتي حـيران×××تعبت وهذي الدنيا دايم الاقيهـا
زانا في داخلي نغمة وجدها داخلي فـنان×××وجدها نغمة حيه وتبغى من يغنيها

 
تعبت أنزف جراحي حبر و أدور للألم أسباب
لجل أكتب شعر يحكي بعض أصغر معاناتـي

مركون بين البحر والبيت وحداني×××ابني لروحي أمل وجروحي ا تهـده
وامر قبل الغروب ارتـب احزاني×××اطوي شراع الهوى وانوح وامـده
لايابحر منهو اللي ناسـي الثانـي×××انا او اللي هجر شاطيك من مـده

بذمتك يا دمع كم لي وانا ابكيك
كم مرة ارجوك تستر جروحي
كم مرة اقسمت في العين اخليك
تشرب زلال الملح من حر بوحي

اخبي ضيقة الخاطــر×××وانا عيني جفاها النـوم
وابين ضحكة العاجــز×××ودمع العين يحرقهـا
واناظر عقرب الساعـه×××وانا في حالة المهـزوم
عقب ماطالت المـده×××اناظر في دقايقهـــا